Amagrad : Tikti tagrawlit
Asmil : Amezruy
Amyaru : Amaruyidir
Tanaramant tnulfa-d di tazwara n tasut tis 20, teder tnerna, xas ma amaḍal isɛeda tignatin n umrir ,maca tudsa tamnaḍalt n umusu anaram werǧin i tesmed azal n tmura d timeltaɣin am tiklet-a.
Am inaramen n talit-ni wid n tura sɛan aqlal n tefmajawt, aken ad refden tanbaṭ yerna ad sulten i tudert.
Tazwara n tikti n Tanaramant tela-d di talit n tfergi n Mafking di Tefriqt n unẓul, talit n umenuɣ n Buwers(1899-1902). Anda Baden Bawel ila d amesyan n tnebaṭ, i lmend n usukes n tiɣremt seg tikra n Buwers i setlen teɣzi n 217 wussan, Baden Bawel isemres ilmeẓyen n tiɣremt d imazanen, d imsikad, imḍafen, d ifaddaden.
Ar deqal n usleli n tiɣremt di 16 n magu 1900, Baden Bawel , seqlen-t d aṣaḍ di Legliz , imi ila icreṭ s tirmit-is iked ilmeẓyen n tiɣremt, Baden Bawel isneflulu-d bli ilmeẓyen sɛan tazmert d tameqrant, ilaq kan ad sen-efk taflest. Yura timawin-is deg udlis(ifaddaden) « scouting » deg uzmam ameẓyan i iserdasen i wumi izlem« Aids to scouting » talelt i ifaddaden.
Maca mgal ayen ur yerǧa Baden Bawel , adlis imucaɛ ar ilmeẓyen d iselmaden, Baden Bawel wḍen-t-id tibratin sɣur arrac i isuturen indahen. Icreṭ s temẓi tabriṭanit izgan di tzenqatin, iked yir tadawsa, idem taɣṭast ad yeg talilt i tḥerciwin i ilmed di tefmajawt-is di lhend iked tirziwin-is ar tefriqt i leqdic n warrac ilmeẓyen.
Baden Bawel iremmen tarayt asgas n 1907 s igur anda isegrew azal n 20 n warrac seg yal aswir n tmeti, tela d tarnawal tmeqren, s talelt n imdukal-is Mak Laren ‘’ Major Maclaren ’’ iked mass Bersi Iberet ‘‘Sir Percy Everett’’, Baden Bawel iselmed i warrac tudert irekli di temzayt alen ad irmmen asdar, asiked, amahil n teẓgi, asukes, tudra, taferfanit , d tdawsa , tanaramant tlul-d.
Ar deqal n ternawalt n igur, aken ad imel tarayt , Baden Bawel isenti tira n umli i d-tsfɣen yal 15 wussan, i wumi i zlem Tanaramant i Warrac “Scouting for Boys“, ɣarent tugets n ilmeẓyen n Tgelda Iduklen, ayen i ten-sunfen aken ad silɣen deqs n temzayin n inaramen.
Deg usgas n 1908 zdat ubreg amatu, anaray amecṭuḥ yuli di Lundr i lmend n usqerdec n tebratin d tikci n usiglef.
amaruyidir 