Asaɣen isedwalnen

Tadukli inaramen d Timnirin

Amagrad :     Imegdulen d assaɣen isedwalen

Asmil :           tarayt tanaramant

Amyaru:        Amaruyidir

Imegdulen d assaɣen isedwalen

Assaɣ asedwalan, d aferdis wis ṣa n tarayt tanaramant, kraḍ imegdulen i ɣef ibed yal asaɣ asedwalan.

  • Ulac azdi : Iɣella inaramen ilaq ad ẓren amḍiq-nsen , amḍiq n umeqran ar ilmeẓi , mačči d amdakul isuter n ilemẓi(ad tetsekiḍ yid-s d txurdas), aken daɣen igdel af uɣella anaram ad yer i usutren n uzuf niḍen.
  • Ulac takriḍt :  Takriḍt n uɣella ar ilmeẓi i ɣef ila d anebaḍ , d abrir ameqran, anebaḍ ara iḍegren taẓidert, izmer ad iḍgar taflest ger-as d ilmeẓi.
  • Ulac tikerkas :  Asaɣ asedwalan igerzen itsali s teflest tamyaɣt ur d-tetsili mebla tafenzayt.

Amalway Amaruyidir ifsar amek semrasen tabuṣult

Tiddin  n asgemusna n unebaḍ anaram

 ‘’Yal ungif izmer ad iqel d amenẓaḍ, yal argaz s waṭṭas n uslaɣu ad iqel d aselmad, maca aɣella anaram am umedyaz itsawi-ts-d d tikci Ṛebbi’’….Baden Bawel

*     Asgmusna umedya

Anebaḍ am gma-k ameqran , neɣ weltma-m tameqrant, ur iselmad ara tudert tanaramant am uɣerbaz, maca s usenɛet-is, s tudert iman-is s tmurent zdat n ilmeẓyen. Azalen i yis itsidir ad silɣen asaɣen i ilmeẓyen ara isɛun imiren aqlal n urwes acku susren tarayin, imi wagi iḥdaq issen yerna iḥrurad ɣur-sen.

 ‘’asedwel-na aḥric ameqran deg-s itsili-d s umedya, ulac deg-s asurdu, ar walen n igerdan d ayen itseg wergaz i isɛan azal, mačči d ayen i d-yeqar’’. Baden Bawel

  1. Asgmusna s wurrar

  Di tnaramant, yal taɣawsa nselmad-its s wurrar. Tamarawin n tatunt d tagnits i temzilt tameqrant, aselmed n iṣuḍaf inaramen nezmer ad t-neg s wurrar ameqran n unadi af ugeruj. s wurraren iḥerfiyen nezmer ad nselmed i wegrud timsal timeqranin titrusin. Urrar d alal agmawi i wegrud aken ad imɣur di tɣara deg asaɣen-is imazdayen , s wurrar ad ilmed wegrud aḍwel n ilugan, ad yegzu asugnan , anafag, s wurrar ay imagar tilisa-ines…atg.

 ‘’Tanaramant mačči d tusna n usedwel tunsibt, mačči d amḥiwec n iskuden d iḍrisen, mačči daɣen d alugan aserdasan, i lmend n usilaɣ n warrac s tugrint tasardasant, d ustaɣ n timusniwin-nsen d tayti n tsentayt ɣur-sen. Xaṭi tanaramant d urrar amuran anda irgazen d igerdan tsruḥun irkel ar tamfajawt i lmend n usnerni n tezmert d tumert-nsen , tiɛubja-nsen tawfust iked tihawt-nsen i talelt n wiyaḍ’’. Baden Bawel

*     Asgmusna n tfulmanit

Anebaḍ usudes tiwtilin n usmures, imir ad yeǧ ilmeẓyen ad refden tarmit s iman-nsen tazmert-nsen n usmures di tiswaɣt-agi. Ad iḥerkel i ‘’tara n tenfust’’, alalen ingawen tẓuri, n tɣara, ay itergen asmures n termist i seḍrun ilmeẓyen iman-nsen.

’’Afir n usedwel igerzen, d tirin n yal anelmad di tegnatin anda ara ilmed s iman-is, mačči s tebrawt-is s tmusniwin amzun d asarag. Ma teri ad tegeḍ taɣawsa, ur teg ara iman-ik, g tanfalit i yes ara telḥuḍ’’. Baden Bawel

*     Asgmusna amdag

Alugan Anaram deg-s tifyar timdagin, s umatu aɣella ad sersiy af wamdag. Asmures d ufaray udmawan tsken-d azal s timadayin(tawzut d tisugra). Anebaḍ isekazal i tiɛubja tudmawin d timazdayin n ilmeẓyen. Ibriren tsilin-d i lmend amek ara neg taɣawsa aken iwata tikelt niḍen.

 ‘’5%  ilha, xas ma  yir taɣara, urrar ،d asekfel seyin akin asnerni n ar 80%… ased wel ilaq ad yili d amdag, mačči d ibaw, d urmid mačči d atswaɣ. aseget n igdilen, d asuɣar ar tigin n wayen n diri. Suget ladɣa tayti n tidets, tayti iked tigawt am taka d tyita n lfuci. ’’ Baden Bawel

*     Asegmusna n tegmats

Anagraw n temzayin d unagi n inbaḍen isnerni azalen n timidwa, tamesetla, d talelt. Aḥulfu n utseki ar tegmats tanaramant isegmu tamagit tudmawant di tmeti ayen ara ildin ilmeẓi i tudert tufiɣt.

 ‘’Tanaramant d tagmats  tamurant, d amusu ur netseg s ukmam azal i imgaraden n tsartut tamzadayt, n usɣan, n uẓar naɣ n tara, s tmella i teyti mebla tabadut is-d-teka’’.Baden Bawel

Amalway Amaruyidir isegzay Tanaramant d leqdic n ugraw Tadukli i ilmeẓyen d imawlan-nsen
Amalway Amaruyidir isegzay Tanaramant d leqdic n ugraw Tadukli i ilmeẓyen d imawlan-nsen

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s