Tanfalit inaramen

Tadukli Inaramen d Timnirin

Amagrad : Tanfalit  n    inaramen

Asmil : Tigejda n Tanaramant

Amyaru : Amaruyidir

Tanfalit Inaramen

D tanfalit igerzen tin n ifaddaden, aẓar-is ikka-d seg isem n umesnulfu n tnaramant Baden Bawel(s teglizit Baden-Powell- Be Prepared ), ayen neqqar s tmaziɣt ‘‘bges iman-ik’’ s tarabt ” كن مستعدا”.

 ‘‘Anamek n waya, ilaq ad tesɛum tafka d teyti yal ass deg addad aken ad tgem amerwas nwen. Ad tbegsem tayti nwen, acku ilaq ad tesɛum tugrint aken ad tsegdem tanbaṭ ibɣun tili, daɣen acku ad tmeyzem i yal tawaɣit d yal asehwu ad yeḍrun, aken di tegnit n tidets ad tilim deg addad amek ara tgem ayen ilan felawen. Ad tbegsem tafka nwen; acku ad teqlem d uẓwiren d urmiden, tzemrem ad tgem ayen ilan felawen.’’ Baden Bawel

Tanfalit d tin ifaddaden i warrac ger 12 ar 16 isgassen, daɣen d tanfalit tunṣibt n  Tanaramant , iked deqs n tidukliwin tinaramin n umaḍal.

I warrac imeẓyanen’’ igulaz’’ tanfalit-nsen ‘’Afus deg ufus’’[i]       ma d iredmanen ‘’Ussis afulay”

Ma d imsebriden(ugar n 17 isgassen), ‘‘i umahil’’

Dagi ad nwali aseɣwen ilan ger iḥricen n tnaramant, ma nesdukel tinfaliyin, ad naf : ‘’ Afus deg ufus, ad gaɣ yal ussis-inu aken ad begsaɣ iman-iw i umahil’’

Tafalit-agi tsutur deqs n tɣara sɣur ifaddaden :

Anamek n wiyaḍ

Afaddad ad ibges iman-is i tefmajawt, daɣen ad ibges iman-is i talelt, d tasisit di tegnits tamezwarut i wid isusren.

Tawzut

Ur yemir yiwen ad k-d-imud ayen ur yesɛi, ur netsaẓ ara ar zdat s tmemit d ul zdigen. Afaddad mebla tawzut, mebla tiɛubja, ur isawaḍ ara deqs tanfalit; d ayemi ilaq af yal afaddad ad yisin deqs n tzuri, n tiɛubja imgaraden, aken ad iqel d afaddad awzut di deqs n taɣultin ilan.

Yal afaddad ad ibɣu ad ikes amdakul-is ma izdar deg aman, maca ala win isnen asezmil i izemren; win ibges iman-is i tegnits-agi.

Asiked d usidmer

Aken ad isemres tawzut-ines i leqdic n wiyaḍ; afaddad ilaq ad ilmed amek ad isekfel acu susren, imir din kan ad isenti leqdic-is, ilaq ad ibges iman-is i yal tagnits, mačči s lɣerḍ-is; naɣ mebla tigawt; ayen-ni d ayen niḍen, win ur nezmir meqar seg ul-is. Afaddad ilaq ad yili ibges iman-is di yal amḍiq di yal tagnits.

 Copyright © Amaruyidir 2020


[i] Afus deg ufus d tanfalit n igulaz, ar tadukli inaramen d Timnirin

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s