Anmaẓul

Amagrad :  Anmazul  Temzayt

Asmil : Tigejda n tanaramant

Amyaru:Amaruyidir

D keč wis sin di temzayt, tasfift tamlalt i tariḍ af wul-ik, terwes am aken temal-d bli tḥarzeḍ amur di tudert-ik, yerna imqar i temzayt-ik, d gma-s ilhan i ufesnaw, i waya sel i kra indahen.

Cqirrew di tazwara i tismin ar ufesnaw-ik, ur tqliq ara d ayen izemren ad iḍru, ama ad ikcem deg ul-ik am tewka di teḍffut, izmer ad tɣileḍ bli ad tiliḍ d afesnaw ifazen, nig-is s waṭas,ɣur-k!  aya ad senkmer tayti n temzayt ɣur-k, ɣur ifaddaden-ik.

Ɣef ifaddaden n temzayt, ili-k yal ass telhiḍ, d imiḍwel, d asɛuzzu, xas ma tikwal ad teqleḍ d tamsulta, rif n yiwen ur itedu ara s tuɣdimt, issin amek ad tḥemled-t xas aken.

Sfugar amek ara tisineḍ Afesnaw-ik aken iwata, s tezmert tafulayt, aken ad s-tsulteḍ aken iwata.

Ladɣa isin irkel, tazuri, tayti, tagmats, azuɣar, ilik d anaram aneblal n temzayt-ik, di tikliwin tedu d angaru aken ur tetsuḍ ara yiwen ar defir.

Ma ad yefk uɣella tamsekrit, ilaq ad iẓar bli ad tewqemeḍ-ts aken iwata, ma yela anwa ɣef ara
tesɛiḍ, tawuri d tufirt, mebla ma yela win ik-smawen, ackit,  yal taklalt ad tqim i keč i iman-ik kan! yiwen ur yeẓri bli d imiḍwel mebla asiḍen,  i irkel, keč tezriḍ, Afesnaw iẓra, deqs aya.

Afus ayfus n ufesnaw, mačči d menwala

  • D win iḥemlen ad isulet bla ma yerǧa tarazt.
  • D win i ibegren timlilyin n temzayt iked ufesnaw,
  • D win isalalen, itsaken tama i ufesnaw di yal taɣawsa deg temzayt,
  • D win ikabaren Afesnaw-is,
  • D win iḥemlen tamzayt-is, d yal ameslaḍ deg-s,
  • D win imeddezen Afesnaw, ma yela iba,
  • D Win isɛan tiktiwin d tsentayt.


I uḥraz n umḍiq n tenzaḍt deg uguzdi, tamzayt tgel ar tiɛubja, asnulfu, d tasentayt n ufesnaw d unmazul-is, d imeslaḍ-is irkel iked askir i yis ara tseḍrun. Afesnaw ilaq ad issis tawnaṭ n umahil ara itregen i unmazul-is amek ara inerni, ad isemres tiɛubja-ines, ad inil amahil iked utseki deg useḍru n isenfaren n temzayt.

Anmazul ilaq ad isemres tiɛubja-ines, asnulfuyen-is, iked tsentayt-is s talelt n tid n ufesnaw, aken ad itseki deg usnerni n waddad ifazen n temzayt. Asaɣen ger unmazul d ufesnaw, di iswiren irekel, ulin af timerǧiwin timyaɣin tiɣzfanin, taflest tamilalt, akkaz n iseḍruyen, iked utseki di timecqirriwt mebla aneɣtem itselqqimen.

Leqdic i temzayt

Amḍiq n ufesnaw ur ifir ara, iseddu tamzayt, itsḥarkil i teṛgamt, isɣal ikayaden, n tfarayt, isudes timliyin d iguren n temzayt, s usmenkni ger irmuden…  atg. Ma d anmazul d talelt d usalel n ufesnaw, xas ma di deqs n tikal d tamlilt tufirt, maca d tagejdant i temzayt, daymi ilaq af ufesnaw d unmazul-is ad mhelen afus deg ufus.

Ad tḥarkilem i sin i irmuden

S usiwel neɣ s temlilit, ar walbɛaḍ deg-wen, s temsliwt n yal yiwen, s usfugar amek yal yiwen ad isɛu tamlilt ara yurrar, s tuṭfa n taɛkumt n uḥerkel angawi. Ɣur-wet ur ilaq ara tegem ayen izmar ayen ilan d tamlilt n ufaddad, ur merreset ara idrimen, ila unazraf tzemrem ad tgem talelt, maca anefet-as yeg aken isen. S talilt ara yerfed taflest.

Ad tsudusem Aseqqamu n temzayt

S ussefru n umud n wayen ara tmeslayem(ahil, tawila n isalayen n igur, imihal iwfusen, adeg n igur i d-itedun), s usfugar amek yal afaddad ad imeslay, s uwqem n tanaṭ.

Zdat n inaramen n temzayt, ad tbinem tduklem, ad tesfugrem amek ur tesɣennenem ara zdat-nsen, ma tella tɣennant, ḥerzet tuzzma-nwen  ar deqal, aken ad tḥarzem tamyamaẓt zdat  n temzayt, syin akin meslayet gar-awen.

Di temzayt

Ur tetsut ara, Afesnaw d umnaẓul-is d imeslaḍ n temzayt, acku ilaq ad tilim d amedya, ad testekim di yal tamsekrit n tatunt, leqdic mačči d ayen yuran af imazwaren.

Deg temliliyin, Afesnaw ad yili deg ixef n temzayt, d win izuɣuren tamzayt ar zdat,  anmazul ar tagara d win ara sfugren aken yiwen ur igray ar deffir.

Aken yal anaram ad ilḥu s ucala-ines, ulac anwa ara iqimen deg ubrid, mačči kra win ilan d Afesnaw ifazen, win isnen yal taɣewsa ad iselḥu tamzayt, Aken ad teddu temzayt d tamuhant, maca ،d taɣḍaṭ isɛan aramsu tin n ufesnaw iked unmazul-is, aseddu n temzayt s tnila n warrac i sen-fkan  s tudert i leqdic-nsen.

Ma yela tsawḍem ad tfarayem yal afaddad n temzayt, ad tsalim tuɣḍaṭ-nwen, aya xas ma tamzayt mačči ger tid ifazen.

 

 Ɣar daɣen

  1. Afesnaw
  2. D acu i d afesnaw?
  3. Izen n Baden Bawel  i ufesnaw
  4. Tawuri d tamasit n ufesnaw
  5. Amahil n ufesnaw d unmazul n temzayt
  6. Anmazul  Temzayt
  7. Taɣḍaṭ n ufesnaw
  8. Timitar ufesnaw

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s